Saturday, November 15, 2014

සාංසාරික සොඳුරු සෙනෙහෙන් බැඳුණෙ මෙලෙසින් සිතින් ඔබ මා..............෴








නිල් නෙතු මත පෙම තවරන සහසක් කව් ගී ලියවෙන.. 
පෙම් සිතුවිලි සිත රන්දන දඟ බස මත පෙම සඟවන.. 
හිත අභියස ගී මුමුණන නෙතු දැහැනට තෙත නංවන... 
හද අරණට සුව කැන්දන කිරිල්ලී නුඹ දුක් සින්දන... 

Friday, October 3, 2014

අම්බපාලිගේ දාස්පෙතියා වට්ටිය.......෴





"සුවඳ මල් නෙලන්නට
නැත ගියේ අප්පච්චි
තලා පරසතු කුසුම්

ගනිනවා හිර කූරු...

අවලමේ ගිය ගෑණි
කියා උන් වස් කීවේ
ආච්චිට අපි දීලා
ගිහිපු අපෙ අම්මාට...

Monday, September 29, 2014

නවක කවියන්ට කිවිඳියන්ට උපදෙස් කීපයක්..........෴




          පසුගිය සෙනසුරාදා පැවති 'කවි සියපත' දොරට වැඩීමේ උත්සවයේදී රත්න ශ්‍රී විජේසිංහයන් සහ මහාචාර්ය සමන්ත පෙරේරා කිවි වරුන් කළ දේශන ආශ්‍රයෙන් රචනා කරන ලදි.....



* අතීතකාමයෙහි ගැලෙන්න එපා
(මා මෙතෙක් කළ වැරැද්දක්)
- අපි හැමෝම කැමතියි අතීතයට ආදරේ කරන්න. අතීතයේ ලස්සන සිදුවීම් වලට ආයෙත් යන්න. ඒත් ඒ දේවල් වලට ආදරයෙන් ලියන කවියෙන් සමාජයට යහපතක් වෙන්නේ බොහොම අඩුවෙන්. කවියෙක්ගෙන් විය යුතු සමාජ බලපෑම පසෙක ලා ස්වයං වින්දනයක් පමණයි එයින් ලැබෙන්නේ.

Tuesday, September 23, 2014

හද අරණට සුව කැන්දන...කිරිල්ලී නුඹ දුක් සින්දන | How she come to My Life........෴



          (හරියටම මාසෙකට පස්සේ නේද මේ පෝස්ට් එක ලියන්නේ කියලා දැක්කේ කලින් පෝස්ට් එකේ දිනේ දැක්කම. ලියන්න දේවල් තිබුණත් ලියන්න හිතෙන්නැති තත්වෙකට පත් වෙලා. නිකන් හිත ලෙඩ වෙලා වගේ. ඇත්තටම කිව්වොත් ඒක ලෙඩක් තමයි. ආදරේ කියන්නේ අපි හැමෝම වැළඳගන්න කැමති කවදාවත් හොඳ නොවෙන ලෙඩක්....!!!)

         ඔව්. ආදරේ තමයි.....
        දිනය අගෝස්තු 24 වෙනිදා. සති අන්තේ ඉරිදාවක්.....එදා හරි ලස්සන දවසක්. ඒක ඇත්තටම ලස්සන දවසක් නොවුණත් ආදරෙන් මත් වෙලා ඉන්න හදවත් වලට නම් ඒ දවස දැණුනේ එහෙමයි....

         ආදරේ හැඟීම් දෙන්නගෙම හිත් වල තිබුණත්, දෙන්නගෙම ඇස් වල ආදරේ ලියවිලා තිබුණත් ඒවා වචන කරගන්න දෙන්නගෙන් කාටවත්ම බැරි වුණා. මේ දවස එනකන් මං කොච්චර ඇඟිලි ගැන්නද දෙයියනේ. කියන්න ඕනි දේවල් පවා මොනාද කියලා මං හිතලා, ඒවා තනියෙන් කියලා කියලා මට පාඩම් වෙලා වගේ තිබුණේ. ඒත් ඒ වෙලාවේ මං ගොළු වුණා....

"මොනාද අයියේ මට කියන්න විශේෂ දෙයක් තියෙනවා කිව්වේ...." එයාගේ ඒ ප්‍රශ්නෙන් මං තිගැස්සුණා.

Saturday, August 23, 2014

මී මුරේ හරහා ලකේගල තරණය | Lakegala Exploration via Meemure ෴

          පහුගිය සතියේ මේ වෙලාව වෙනකොට(සිකුරාදා රෑ) ගලක් උඩ හාන්සි වෙලා රාවණා රජතුමාගේ කතා කිය කිය හිටියා තාමත් මතකයි. ඒ අපේ මීමුරේ සංචාරයේ පළවෙනි රාත්‍රිය.

          ඒක එකපාරටම සංවිධානය කරගත්ත, අනපේක්ෂිත ගමනක්. පේරාදෙණිය විශ්වවිද්‍යාලීය ගවේෂකයන්ගේ සංගමයේ උපකරණ ටිකත් අරගෙන මේ ගමන පටන් ගත්තේ සිකුරාදා උදේ 10.30ට පේරාදෙණියෙන්. University Explorers Club(UEC) එකේ Pilot Hike එකක් කිව්වොත් තමයි මේකට නියම අර්ථය එන්නේ.
          පේරාදෙණියෙන් නුවරට ඇවිත් නුවරින් හුන්නස්ගිරියට ගියා(මොණරාගල, මහියංගනය, උඩුදුම්බර වගේ ඕනි බස් එකක යන්න පුළුවනි). හුන්නස්ගිරියෙන් අඩුපාඩු වුණ අනිත් බඩු ටිකත් අරගෙන මීමුරේ දක්වා පිටත් වුණා. හුන්නස්ගිරියේ ඉඳන් මී මුරේ ට දුර කිලෝමීටර් 33ක්. ඒ දුර යන්න බස් නෑ. මී මුරේට වෙනකන්ම යන වෑන් දෙකක් වැඩ කරනවා. ඒ ගමනට එක්කෙනෙක්ගෙන් රුපියල් 150ක් අයකරනවා. අන්තිම වෑන් එක යන්නේ 2- 2.30 අතර වෙලාවක. ලෝඩ් වුණ ගමන් වෑන් එක යනවා.

Friday, August 1, 2014

සුරඹුන් නුරා පැන් බී කෙලිති රති රඟ.......෴




කැළඹුන් සරා පෙම් ගී කෙලෙස් සිතඅඟ..
නෙකඹුන් පුරා රැව් දී කරති මනදඟ..
සළඹුන් අරා සිඳ දී දිවිය සිලමඟ..
සුරඹුන් නුරා පැන් බී කෙලිති රති රඟ..

Wednesday, July 23, 2014

...සඳ කොමළිය පමා නොවී සරසාපන් අහස් තලේ...





අවරගිරින් රක්ත වර්ණ සායම් ඇඳි ගගන තලේ...
සියොත් කැලක් ගිමන නිවන භවන සොයා පියා සැලේ...
ඉරබටු තරුවත් මතුවී තනිව අඳුරෙ දිලෙන වෙලේ...
සඳ දෙව්දුව පමා නොවී සරසාපන් අහස් තලේ...


කෑලි කපන අඳුර වැටී මහීකතම නිසල කලේ...
නීල ගගනෙ නේක වර්ණ තරු මිණි වල එළිය දිලේ...
තනිව අඳුර බිඳිනු බැරිව බලා සිටියි පහන් සිලේ...
සඳ මිතුරිය පමා නොවී සරසාපන් අහස් තලේ...


කඩුපුල් මල් සීත පින්නෙ නැහැවි හෙමින් සිනා සැලේ...
මණ්ඩුක සංගීත නදින් මීන නින්ද සලිත කලේ...
කුමුදු මලට පිපෙනු බැරිව බලා හිඳි‍යි නිහඬ ජලේ...
සඳ කොමළිය පමා නොවී සරසාපන් අහස් තලේ...


෴ රන්දු ෴

Friday, July 18, 2014

අවදි කරවමි යළිත් කවි සිත ෴



    


දරා නෙක නෙක සිතුම් සිතයට
විරා රස සිත පතුලෙ යටකොට
නුරා මුසු පෙම් හැඟුම් මතු කොට
සරා සුරඟන කරා සිත වට

Wednesday, July 2, 2014

Thursday, June 26, 2014

Duet එකක් තනියම..............??? | Chahun main ya naa Sinhala Version


          Duet එකක් කියන්නේ මොකක්ද කියලා අමුතුවෙන් කියන්න ඕනි නෑ නේ. කාන්තා සහ පිරිමි කටහඬක් එකම ගීතයකින් ඇහෙනකොට අපි ඒ සින්දුවට 'Duet එකක්' එහෙම නැතිනම් සිංහලෙන් 'යුග ගීයක්' කියලා කියනවා.
         ඉතින් ඒ වගේ යුග ගීයක් ගැන කියන්න තමයි තකහනියක් මේ ලියන්නේ. මේ පහුගිය කාලේ අතිශය ජනප්‍රියත්වයට පත්වුණ Aashiqui 2 චිත්‍රපටයේ Chahun main ya naa සින්දුව. ඒ ගැන මම කලින් පෝස්ට් එකකත් ලිව්වා. ඒ ලිපිය මෙතනින් බලන්න.

         මේ සිංහල version එක ගොඩක් විශේෂ විදියට නිර්මාණය කරපු එකක්. ඒ විශේෂත්වය මොකක්ද කියලා දැනගන්න කලින් සින්දුව අහලා ඉන්නකෝ. නැතිනම් ඒක අඩුවක් වෙයි......

Friday, June 6, 2014

මොළේ විකාර කරගන්න අකමැතිද? එහෙනං කියවන්න එපා......෴




          අම්මෝ...සෑහෙන්න කාලෙකින් නේ මං මේ පැත්තේ ඇවිත් තියෙන්නේ. සිතුවිලි හන්තාන සිතුවිලි නැතුව වල් වැදිලානේ. බොහොම අමාරුවෙන් සුද්ද කරලා ආයෙත් ලියන්න පටන් ගන්න ඕනි කියලා හිතුවා.
පහුගිය කාලේ ඇකඩමික් වැඩ නිසා සෑහෙන්න හිර වෙලා හිටියේ. 5වෙනි සෙමෙස්ටරේ තරම් අමාරු එකක් කැම්පස් ජීවිතේටම හම්බවුණේ නෑ....කොහොමහරි ඒ එක්සෑම් එකත් ඉවර කරගෙන තමයි ආයෙත් මේ පැත්තේ ආවේ......

          අන්තිමට ලිව්වේ කවදාවත් කියවලා ඉවර කරන්න බැරි ලිපියක්.  ඒකේ පසු සටහනේ පොරොන්දු වුණ විදියට ඔන්න ආයෙත් මේ try කරන්නේ Paradox ගැන කතා කරන්න.

          Paradox ගැන අහලා තියෙනවද? Paradox එහෙම නැත්නම් 'විරුද්ධාභාසය' කියලා කියන්නේ 'තේරුම් ගන්න දුෂ්කර දෙයක්' හඳුන්වන විදියලු. ඒත් ඒ වචනේ නිවැරදි අර්ථය ඒ විදියට ගන්න අමාරුයි. ඒ සම්බන්ධ කරුණු මොනවගේද කියලා හොයලා බැලුවම තමයි ඒකේ ඇත්තම තේරුම හිතට වදින්නේ. Paradox එකක් කියන්නේ ඇත්තටම හරිම රසවත් දෙයක්. ඒවා ගැන කල්පනා කර කර ඉන්න එක හරිම ෆන් වැඩක්. Paradox එකක් කියන්නේ මොනවගේ දෙයක්ද කියලා චූටි අවබෝධයක් ගන්න පුළුවන් වෙයි මෙන්න මෙතනින් ගිහින්...

           Paradox ගැන මම දැනගෙන හිටියේ බොහොම ටිකයි. ඒත් Google දෙවියන්ගෙන් ඒ ගැන ඇහුවම මෙන්න බොලේ Paradox ලිස්ට් එකක්ම එතුමා මට දුන්නා.

Saturday, March 22, 2014

විරහවේ සැමරුම........෴

2011 මාර්තු 22.....!!!!
අදට අවුරුදු 3ක්..!!
ඔයා මගේ ජීවිතේට ඇවිත් අදට හරියටම අවුරුදු 3යි. අද ඔයා මගෙත් එක්ක හිටිය නම් අද දවස අපි සමරන්නේ කොච්චර සතුටින්ද. ඔයා මට ගොඩක් ආදරේ කරා කියලා මම දන්නවා. මට ඒක දැණුනා.
ඒත්.....
ආදරේට එහා ගිහිපු නොගැලපීම් ගොඩක් අපි දෙන්නගේ මැද්දට ආවා. ඔයා මට කරපු වැරදි වගේම මම ඔයාට කරපු වැරදි නිසා අපි දෙන්නට වෙන් වෙන්න වුණත්,වෙන් වෙලාගිහින් අවුරුදු එකහමාරක් වෙලත්, අදටත් මට ඔයාව මතක් වෙන්නේ ඇයිද කියලා මම වත් දන්නෙ නෑ.....
මමත් ඔයාට මෙච්චරටම ආදරේ කරාද කියලා මට හිතාගන්න බෑ.....

ඔයා පිළිගත්තේ නැති ඔයාගේ ඒ එකම එක අඩුව හදාගත්තොත් ඔයා තමයි මේ ලෝකේ ඉන්න හොඳම පෙම්වතිය වගේම හොඳම බිරිඳ . ඔයාට කවදහරි හම්බවෙන කෙනාට ඒ වගේ හොඳ කෙනෙක් වෙලා ඔයාගේ අනාගත ජීවිතේ ගොඩක් ලස්සන වෙන්න කියලා ප්‍රාර්ථනා කරනවා.
(කොහේ හරි ඉඳන් ඔයා මේක බලාගෙන ඇති කියලා මට හිතෙනවා)


ගොඩාක් කාලෙකට පස්සේ අපි එකිනෙකා මුණගැහිලා වෙන් වෙලා එන දවසක මම මේ ලියපු සින්දුව ඔයාටත් මතක ඇති................
(ඒ දවස් වල නමට ඉස්සරහින් වරහන් ඇතුලේ දාපු අකුරු දෙක..........ඒක වෙනස් කරන්නැතුවම දැම්මා.)






ප.ලි : බ්ලොග් එකේ පහලට බලාගෙන යනකොට තමයි මේක දැක්කේ. ගිය අවුරුද්දෙත් මාර්තු 22 මම මේ ගැන ලිපියක් ලියලා.............

Tuesday, March 11, 2014

෴.....සඳ අඳුරේ ගිලී ගියා..... ෴




කෝඩුකාර හීන ගොඩක්,

මල් පෙති මත තවරන්නට

සිහිල් පවනේ හැඟුම් මවා

Saturday, March 1, 2014

ස්ත්‍රී ආධිපත්‍යයක විස්මය | The Indian Honey bee ෴

          
          දොරකඩ අඹ ගහ මල්වලින් පිරිලා. අඩි 7ක් විතර උස, අඹ මලින් පිරුණ අඹ ගහ දකින මට පොඩිකාලේ අඹ ගස් වලට ගල් ගහලා අඹ කඩාගෙන කාපු හැටි මතක් වෙනවා. අඩි 40ක් 50ක් විතර උස අතු අග තියෙන අඹ ගෙඩියක් කඩාගන්න කොච්චර නම් ගල් පොලු ගහන්න ඇතිද ඒ කාලේ. සොබාදහම වෙනස් කරලා. දැන් අතින් කඩන්න පුළුවන් අඹ හැදෙන ගස්. බඩ් කරපු අඹ......

Saturday, February 22, 2014

යෙහෙළියකගේ සිතක් කියවීමි......෴






සීත හිම යුග 

බොහෝ කල් සිට,

සිත වෙලාගෙන 

තදින් උන් බව,

දැනං උන් නුඹ 

සමනළෙකු ලෙස,

ආවේ දිවියට 

සතුට අරගෙන....


Friday, January 24, 2014

1984 මතකයන් ෴


      ලියන්න කොච්චර දේවල් තිබුණත් ලියන්න හිතෙන්නෙ නැති එක නම් හරිම ඛේදජනක තත්ත්වයක්. එහෙම තත්වයක් යාන්තන් මඟහැරගෙන මේ ලියන්න ලැහැස්ති වෙන්නේ 1980 දශකයේ කවි සඟරාවක් ගැන. මුතු කවි සඟරාව ගැන මම කලින් චුට්ටක් විතර කිව්වා. ඒ මගේ පළවෙනි කවි නිර්මාණය සහ ඒ ඔස්සේ මං මෙතෙක් ආපු ගමන් මඟ ගැන ලියපු පෝස්ට් එකේ... ඒ ලිපියෙදි මම පොරොන්දු වුණානේ ඒ සඟරාව ගැන සවිස්තරාත්මක ලිපියක් ලියන්නම් කියලා. මේ ඒ පොරොන්දු ඉෂ්ට කිරීම තමයි.....


Thursday, January 16, 2014

වෙල්ලස්සේ සොඳුරු තැන් සොයා - මරගල කන්ද ගවේෂණය ෴



          මොණරාගල යනු ශ්‍රී ලංකාවේ දෙවන විශාලම දිස්ත්‍රික්කයයි. වියළි කලාපයට අයත් වන මෙම දිස්ත්‍රික්කය දුෂ්කර යනුවෙන් හැඳින්විය හැකි පහසුකම් අඩු දිස්ත්‍රික්කයකි. 1818 දී බ්‍රිතාන්‍ය පාලනයට එරෙහිව ඇති වූ වෙල්ලස්ස කැරැල්ල මොණරාගල හා බදුල්ල දිස්ත්‍රික්ක කේන්ද්‍ර කරගනිමින් පැවති බව බොහෝ දෙනා දන්නා කරුණකි. එහෙත් ඊටත් වඩා පැරණි ඉතිහාසයක් මොණරාගල දිස්ත්‍රික්කය කේන්ද්‍ර කරගෙන පැවතෙන බව බොහෝ දෙනෙක් නොදන්නා කරුණකි. එමෙන්ම සංචාරය කිරීමට සුදුසු බොහෝ සුන්දර ස්ථාන මොණරාගල දිස්ත්‍රික්කයේ ඇත. 

Wednesday, January 8, 2014

බසයේදී ඇති වූ වලත්ත සිතුවිලි....෴






අකීකරු කෙහෙරැළි
දඟයි මත නෙතු පියවිලි
රෝස තොල් දෙපියලි
බවුන් වැඩි සිත ලතැවිලි

Wednesday, January 1, 2014

කෙල්ලෙක් නිසා මට වෙච්ච හරියක්......෴

       
          2013 වසරත් ඉවරයි. එළඹිලා තියෙන්නේ 2014 වර්ෂය. මුලින්ම හැමෝටම සුභ නව වසරක් කියලා ප්‍රාර්ථනා කරලා ඉන්නම්. මේ වෙනකං ජීවිතේ අවුරුදු 22ක් ගත කරලා නේද කියලා වෙලාවකට හිතාගන්නත් අමාරුයි. අපිත් දැන් වයසයි.... මේ වෙනකං මම ගත කරපු ජීවිතේට කලාව ඇතුළු වුණේ නොහිතපු වෙලාවක නොහිතපු විදියකට. කලාව කියන්නේ හරිම සුන්දර දෙයක්.

          පුං‍චි කාලේ ඉඳන් අහලා තිබුණ විදියට අපේ තාත්තා හොඳ කවි කාරයෙක්. තාත්තගේ සීයා, ඒ කියන්නේ මගේ මී සීයාගේ ගෙදර තිබිලා තියෙන්නේ හික්කඩුව ප්‍රදේශයේ තොටගමුවේ. කෙටියෙන්ම කියනවා නම් තොටගමුව රජමහා විහාරයට අල්ලපු වැටේ. ඒත් තාත්තගේ තාත්තා ජීවත් වුණේ ගාලු දිස්ත්‍රික්කයේ බටපොල කියන ගමේ. ඒ නිසා තාත්තත් තරුණ කාලේ ගත කරේ ඒ පැත්තෙමයි.

Related Posts Plugin for WordPress, Blogger...