...සඳ කොමළිය පමා නොවී සරසාපන් අහස් තලේ...

අවරගිරින් රක්ත වර්ණ සායම් ඇඳි ගගන තලේ...

සියොත් කැලක් ගිමන නිවන භවන සොයා පියා සැලේ...
ඉරබටු තරුවත් මතුවී තනිව අඳුරෙ දිලෙන වෙලේ...
සඳ දෙව්දුව පමා නොවී සරසාපන් අහස් තලේ...

කෑලි කපන අඳුර වැටී මහීකතම නිසල කලේ...
නීල ගගනෙ නේක වර්ණ තරු මිණි වල එළිය දිලේ...
තනිව අඳුර බිඳිනු බැරිව බලා සිටියි පහන් සිලේ...
සඳ මිතුරිය පමා නොවී සරසාපන් අහස් තලේ...

කඩුපුල් මල් සීත පින්නෙ නැහැවි හෙමින් සිනා සැලේ...
මණ්ඩුක සංගීත නදින් මීන නින්ද සලිත කලේ...
කුමුදු මලට පිපෙනු බැරිව බලා හිඳි‍යි නිහඬ ජලේ...
සඳ කොමළිය පමා නොවී සරසාපන් අහස් තලේ...

෴ රන්දු ෴