යෙහෙළියකගේ සිතක් කියවීමි......෴

සීත හිම යුග 

බොහෝ කල් සිට,

සිත වෙලාගෙන 

තදින් උන් බව,

දැනං උන් නුඹ 

සමනළෙකු ලෙස,

ආවේ දිවියට 

සතුට අරගෙන....

1984 මතකයන් ෴

      ලියන්න කොච්චර දේවල් තිබුණත් ලියන්න හිතෙන්නෙ නැති එක නම් හරිම ඛේදජනක තත්ත්වයක්. එහෙම තත්වයක් යාන්තන් මඟහැරගෙන මේ ලියන්න ලැහැස්ති වෙන්නේ 1980 දශකයේ කවි සඟරාවක් ගැන. මුතු කවි සඟරාව ගැන මම කලින් චුට්ටක් විතර කිව්වා. ඒ මගේ පළවෙනි කවි නිර්මාණය සහ ඒ ඔස්සේ මං මෙතෙක් ආපු ගමන් මඟ ගැන ලියපු පෝස්ට් එකේ... ඒ ලිපියෙදි මම පොරොන්දු වුණානේ ඒ සඟරාව ගැන සවිස්තරාත්මක ලිපියක් ලියන්නම් කියලා. මේ ඒ පොරොන්දු ඉෂ්ට කිරීම තමයි.....

වෙල්ලස්සේ සොඳුරු තැන් සොයා - මරගල කන්ද ගවේෂණය ෴

          මොණරාගල යනු ශ්‍රී ලංකාවේ දෙවන විශාලම දිස්ත්‍රික්කයයි. වියළි කලාපයට අයත් වන මෙම දිස්ත්‍රික්කය දුෂ්කර යනුවෙන් හැඳින්විය හැකි පහසුකම් අඩු දිස්ත්‍රික්කයකි. 1818 දී බ්‍රිතාන්‍ය පාලනයට එරෙහිව ඇති වූ වෙල්ලස්ස කැරැල්ල මොණරාගල හා බදුල්ල දිස්ත්‍රික්ක කේන්ද්‍ර කරගනිමින් පැවති බව බොහෝ දෙනා දන්නා කරුණකි. එහෙත් ඊටත් වඩා පැරණි ඉතිහාසයක් මොණරාගල දිස්ත්‍රික්කය කේන්ද්‍ර කරගෙන පැවතෙන බව බොහෝ දෙනෙක් නොදන්නා කරුණකි. එමෙන්ම සංචාරය කිරීමට සුදුසු බොහෝ සුන්දර ස්ථාන මොණරාගල දිස්ත්‍රික්කයේ ඇත. 

බසයේදී ඇති වූ වලත්ත සිතුවිලි....෴

අකීකරු කෙහෙරැළි

දඟයි මත නෙතු පියවිලි

රෝස තොල් දෙපියලි

බවුන් වැඩි සිත ලතැවිලි

කෙල්ලෙක් නිසා මට වෙච්ච හරියක්......෴

       
          2013 වසරත් ඉවරයි. එළඹිලා තියෙන්නේ 2014 වර්ෂය. මුලින්ම හැමෝටම සුභ නව වසරක් කියලා ප්‍රාර්ථනා කරලා ඉන්නම්. මේ වෙනකං ජීවිතේ අවුරුදු 22ක් ගත කරලා නේද කියලා වෙලාවකට හිතාගන්නත් අමාරුයි. අපිත් දැන් වයසයි.... මේ වෙනකං මම ගත කරපු ජීවිතේට කලාව ඇතුළු වුණේ නොහිතපු වෙලාවක නොහිතපු විදියකට. කලාව කියන්නේ හරිම සුන්දර දෙයක්.

          පුං‍චි කාලේ ඉඳන් අහලා තිබුණ විදියට අපේ තාත්තා හොඳ කවි කාරයෙක්. තාත්තගේ සීයා, ඒ කියන්නේ මගේ මී සීයාගේ ගෙදර තිබිලා තියෙන්නේ හික්කඩුව ප්‍රදේශයේ තොටගමුවේ. කෙටියෙන්ම කියනවා නම් තොටගමුව රජමහා විහාරයට අල්ලපු වැටේ. ඒත් තාත්තගේ තාත්තා ජීවත් වුණේ ගාලු දිස්ත්‍රික්කයේ බටපොල කියන ගමේ. ඒ නිසා තාත්තත් තරුණ කාලේ ගත කරේ ඒ පැත්තෙමයි.

නගර සෝබනියකට ආදරය කිරීම.....෴

වින්ද ප්‍රේමය ඔබෙන් සොඳුරුයි කියා මා හිත කියනවා... 
කැන්දවා සිත කයෙන් විමසයි කොහිද ඔබ දැන් අහනවා... 
ගින්දරක් එය සිතෙන් කියවෙයි නමුත් ඔබ යළි පතනවා... 
බැන්ද සිත මත හෙමින් ඇවිදියි සිතෙන් සිත යළි මවනවා... 

නොදුටු සොඳුරුතමයන්ගේ සොඳුරු මතක - Cyber Mega Beach Party 2013

දිනය සීතල උඳුවප් මහේ 21 වන ශනි දා ය. සයිබර් අවකාශයේ වැඩි දෙනා ගේ කථාබහට ලක්ව තිබූ ඒ මොහොත උදා විය. සෑම වසරක මෙන්ම මෙවරත් සිංහල බසින් ලොවටම අමතන(නලීන් අයියා කිවු පරිදි) බ්ලොග් කරුවන්ගේ/කාරිණියන්ගේ සුහද හමුව පැවැත්විණි. එය මෙවර පැවැත්වුණේ සුන්දර ගල්කිස්ස වෙරළ තීරයේ ජෝ ජෝ ප්ලේස් හිදීය.

තාවකාලික ආදරවන්තිය ෴

නෙතට ගැටෙනා රුසිරු සරිනා නුඹේ වත හද සසළනා...

දකින දකිනා විටදි නුඹ මා සෙනෙහසින් කිලිපොළවනා...

මා අතින් සිදුවූ බිහිසුණුම අපරාධය.....෴

"ඕක පොඩ්ඩක් එහාට කරගන්නවකෝ. යන්න එන්නවත් ඉඩක් නෑ නේ." අක්කා ඒ මැසිවිලි නැගුවේ මට ය.

          ඇගේ ස්වරයට ප්‍රතිමැසිවිල්ලක් නඟමින් මම මගේ පත්තරය සහ කුප්පි ලාම්පුව සාලයේ අයිනකට කරගෙන මමද අයිනට ගියෙමි. ගෙබිම සිමෙන්ති දමා තිබියදී රාත්‍රිය කුප්පි ලාම්පු එළියෙන් ආලෝකමත් කිරීම නොගැලපීමක් ලෙස මගේ ළමා මනසට සිතුණ නමුත් දැන් මා ජගතා පත්තරයේ ඇති ශිෂ්‍යත්ව විභාග ප්‍රශ්න විසඳමින් සිටින්නේ එවන් නොගැලපීම් සමූහයක් මධ්‍යයේ ය...

අසිරි සිරි බඳ වට.... යැවුණි දෑතම එරන්වන් වට...... ෴

නුරා මුසු මදහස….

අරා නෙක සනහස….

ගජිඳු දළ සිසිළස….

විඳිමි ඒ සුව නිවා සරතැස…….

කෙල්ලෝ ඇයි කවදාවත් කොල්ලන් වාගෙ හොඳ නැත්තේ................෴

මේ සැරේ සිංහලේට පෙරළන්නේ මරු සින්දුවක්. කෙල්ලොන්ට පතුරු යන්න බැනපු හින්දි සින්දුවක් තමයි මේ....

ඔයා දන්නේ නෑ.....෴

ඔච්චර මගේ ළඟට එන්න එපා අනේ.....෴

"ඔච්චර මගේ ළඟට එන්න එපා අනේ...."
"මගෙන් ඈත් වෙලා ඉන්නවා..."
"ආයේ මේ පැත්තේ පස් පාගන්න එපා...."
"ආයේ මට කිට්ටු වෙන්න හිතන්නවත් එපා....."
"මට ඉඩ දෙන්න......."

          එදිනෙදා ජීවිතයෙදි අපි මේ වගේ වැකි ගොඩක් භාවිතා කරනවා නේද. හිතලා තියෙනවද ඇයි අපි ඒ විදියේ දේවල් ගැන කියනකොට 'සීමාවක්' ගැන සඳහන් කරන්නේ කියලා..............

අප්‍රකාශිත ප්‍රේමයේ විප්‍රයෝගය ෴

මතකද නුඹට

_____________________

පුංචි සන්දියේ නුඹ

යෙහෙළියක් වුණා මතකයි..

අතිනත අල්ලා ගෙන

දඟකම් කළා මතකයි..

එකම මාවතේ තරඟෙට

පියවර තැබුවා මතකයි..

හදිසියේ අප අත්

වෙන් වී ගියා මතකයි..

මං හොයන්නේ මෙන්න මේ වගේ කෙල්ලෙක්......෴

෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴

මෙතෙක් කල් මා විසින්, මගේ ගතිලක්ෂණ වලට අනුරූප මා හට උචිත වූ යුවතියක් සතු විය යුතු ගතිලක්ෂණ පිළිබඳ සිතා නොමැත. අතීතයේ දී මා මඟ වරදාගැනීමට හේතුව එය විය හැකි බව මගේ සිත තදින්ම කියයි. ඒ බව දැනගත් මා සිත දින ගණනක් මා වෙහෙසවා, මා සිහින මවන මගේ සිහින කුමරිය යම් කිසි සුදුසුකම් සහ ගතිලක්ෂණ රාශියකින්  සමන්විත  විය යුතු බව තීරණය කරන ලදි.

හුදෙක් කාන්තා පාර්ශවයේ දැන ගැනීම උදෙසා මෙය පහත පරිදි පෙළගස්වන ලදි.................
මෙය "දැනුවත් වීම සඳහා පමණක් බවත් හුදු විහිළුවක් සේ නොසැලකිය යුතු බවත්" තරයේ සිහි තබාගත යුතුය.

වැස්ස (අ)සුන්දර ද.........? ෴

 

පේරාදෙණියට වහිනවා. අරුණාචලම් එකේ ඉස්සරහා කාණු වල වතුර ගලාගෙන යනවා. 

වැස්ස. 

මගේ ළමා කාලයේ ගොඩක්ම සුන්දර කාලයක් තමයි වැහි කාලය.

( මගේ ළමා කාලය ගැන දාපු පළවෙනි පෝස්ට් එක.... මාසෙකට විදුලි බලය නැති වෙලා යනවා නම්....෴ )

වැස්ස කාලෙට හැම දෙයක්ම සුන්දරයි කියලා මට හිතුණා. වැඩි වර්ෂාපතනයක් නැති අපේ ගමට වහින්න පටන්ගන්නකොටම ගොඩාක් ලස්සන සුවඳක් එනවා. අක්කා ඒ සුවඳට කියන්නේ නැවුම් සුවඳ කියලා. ඒ පුරුද්දට අදටත් මං ඒ සුවඳට කියන්නේ නැවුම් සුවඳ කියලා.

මැටි බිත්ති වලට වතුර වැටෙද්දියි ඒ සුවඳ එන්නේ කියලා මම පස්සේ කාලෙකයි දැනගත්තේ.

මාසෙකට විදුලි බලය නැති වෙලා යනවා නම්....෴

මාසෙකට විදුලි බලය නැති වෙලා යනවා නම්.................................

මං ආස කරන මගේ ඒ ලස්සන ළමා කාලෙට ආයෙත් යන්න මට පුළුවන් වෙයි.

          හැමදාම උදේට අම්මා බැටරි දාන සන්යෝ වර්ගයේ රේඩියෝ එකේ පිරිත් දානවා. උදේට නැගිටින්නේ  ඒ පිරිත් වල හිත නිවන රිද්මයෙන් කන් දෙක පුරවගෙන. උදේට මූණ හෝදන්න දත් මදින්න යන්නේ ඇලට. උදේ පාන්දරට ඇලේ වතුර හරිම සීතලයි.

          ඇල බන්ට්* එක දිගේ අක්කයි අක්කගේ යාලුවොයි එක්ක ඉස්කෝලේ යන්නේ පයින්මයි. ඇලට ගල්කැට විසි කර කර, ඇල දෙපැත්තේ තියෙන පේර ගස් වලින් පේර කඩ කඩ බොහොම දඟකාර විදියට ගිහිපු හරිම සුන්දර ගමනක්. ඉස්කෝලේ ඇරිලා එන ගමනත් ඒ වගේම සුන්දරයි. අක්කගේ යාලුවොත් එක්ක කයිය* ගහ ගහ එනකොට අක්කා පරක්කු වෙනවා. මං කැමති නෑ එයාලට විතරක් තේරෙන එයාලගෙ කතා අහගෙන එන්න. ඉතින් මම ගෙදර ළඟ සන්ධ්‍යා නංගිත් එක්ක ( එයා තමයි චූටි කාලේ මගේ හොඳම යාළුවා.මට වඩා අවුරුද්දක් බාලයි ) තරගෙට ඉස්කෝලෙන් එනවා. ඉස්කෝලෙන් ඉස්සෙල්ලෙම පිට වෙන්නේ අපි දෙන්නා නොවුනට පයින් යන හැමෝම පහු කරලා ඉස්සෙල්ලම යන්නේ අපි දෙන්නා තමයි. මම ඉස්සෙල්ලා ගෙදර එන එකට වඩා අක්කා පරක්කු වෙලා ගෙදර එන එකට අක්කා හැමදාම බැනුම් අහනවා. ඉතින් මට මාර සතුටුයි අක්කා බැනුම් අහනවට.

පින්තූර ගොඩක්, එක කථාවක්!!!!!! ෴

          ගොඩක් තැන් වල කියන්නේ "එක පින්තූරයක්, කථාගොඩක්" කියලනේ.. ඒත් මේ "පින්තූර ගොඩක්, එක කථාවක්"....

බලන්න

තේරුම් ගන්න

අදහස් දක්වන්න

දිනය : 2013 සැප්තැම්බර් 14

වේලාව : උදෑසන 10.30 ත් 10.45ත් අතර

ස්ථානය :  ගෙදර පිටුපස

Camera - SGS2 

හන්තාන ආකාසෙ කළු වෙලා හොඳටෝම... ෴

ඇයි කෙල්ලෝ ගොඩක් බොරු කියන්නේ......???

සෑහෙන්න කාලෙකට පස්සෙයි සිතුවිලි හන්තානෙන් ඔයාලව මුණගැහෙන්නේ.
"මොකද දැන් බ්ලොග් එක ලියන්නැත්තේ..?"
"සිතුවිලි හන්තාන පාළුවට ගිහිල්ලා.."
"ඔයාගේ ටෝක් තියෙන ලින්ක් එකක් නැතුව දැන් නිව්ස් ෆීඩ් එක පාළුයි."
"රන්දුනුට දැන් කවි අමතක වෙලාද..?"
"ලඟදි සිංදුවක් එහෙම ලිව්වේ නැද්ද? ට්‍රාන්ස්ලේට් කරෙත් නැද්ද..?"
කියලා සැරින් සැරේ මගෙන් අහපු සිතුවිලි හන්තාන ගැන හොයලා බලපු ඔයාලා හැමෝටම ගොඩක් ස්තුතියි.
ඇකඩමික් වැඩත් එක්ක හිර වුණාම ටිකක් මේක ලියන එක අතපසු වෙනවා තමයි......

වල් පල් පැත්තක දාලා අද ලියන්න ආපු දේ ගැන කතා කරමුකෝ...
(කෙල්ලොන්ගෙන් නොසෑහෙන්න බැනුම් අහන්නයි මං මේ හදන්නේ ..... :p)